04/12/2008
東南亞錦標賽聽日開波，八支參賽隊伍世界排名全過百，海軍水兵大亂鬥！泰國以主辦國身份出戰，名帥列特新官上任要交成績，成為奪冠大熱。另一主辦國印尼亦虎視眈眈，加上冕新加坡及四強常客馬來西亞，惡戰難免！今次仲撞正泰國政局混亂，加上多個參賽國同賭波集團扯上關係，咁多麻煩，真係亂過亂世佳人！
泰國主帥列特考牌戰
前新特蘭頭列特今年九月成為泰國國家隊頭，今次係考牌戰，佢將派出強陣出擊。王牌射手雲路達踢緊比利時球會利亞斯，係罕有外流球員，另一箭頭丹達同守將蘇里做過曼城球員，同樣極具分量，大軍佔主場之利，首戰對越南可贏波。
另一勁旅新加坡實力頗強，但今次三大主力卡魯、拿華斯同夏隆缺陣，戰鬥力大減，冕路難行，好彩聽日對弱旅柬埔寨，料可旗開得勝。
另外，印尼東南亞錦標賽做過三次「二奶」，今次身為主辦國之一，頭賓尼杜奴揚言會踢進攻足球，希望打破宿命，大軍聽日首戰對住緬甸，形勢並非一面倒，兩隊早前曾經交手，當時印尼輸波，今次再戰未必可報仇，亦反映今屆賽事係亂局。除形勢混亂外，東道主之一泰國政局亦好亂，經過商議後，B組賽事會移師布吉舉行，A組賽事就冇影響，會如期印尼雅加達踢。
印尼自破大門最經典
此外，泰國、越南、馬來西亞同新加坡等地被視為「假波罪源」，曾是國際足協調查對象，希望今次賽事能夠正常地舉行。事實上，東南亞錦標賽亦曾出現過問題賽事，九八年泰國同印尼雙雙出線，大家同樣唔想贏波，印尼球員竟然完場前射破自己大門，成為一時熱話，唔知今屆有冇呢騎呢場面呢？