04/12/2008
文： 笛子波童
Ｈ組賽事，南錫主場迎戰莫斯科中央陸軍。中央陸軍雖然三戰全勝已經出線，但如果想保住首名三十二強抽好籤，今場至少要一分。俄超聯賽已煞科，中央陸軍可專注足協盃；相反南錫近況一般，主場讓唔起，波童捧「讓球客勝」。（周五凌晨３時45分開賽）
目前Ｈ組形勢，中央陸軍三戰全勝篤定出線，南錫如果贏波亦晉級。表面上踢風流波中央陸軍求勝決心應不及主隊，但要留意足協盃小組首名三十二強只會對其他小組第三名隊伍，反而次名將要硬撼歐聯「降格球隊」，晉級難度大增，只要中央陸軍今場打和或贏波，便可穩得首名資格，而且俄超聯賽上月底已收咧，中央陸軍再冇留力必要。
南錫主場失色
中央陸軍三戰全勝提早出線，證明呢支○五年冠軍於足協盃惡氣十足，門將艾堅菲夫、前鋒路夫都係國腳級人馬，大賽經驗遠勝對手。南錫近況麻麻，近四場賽事只得一勝，當中兩次主場都贏唔到，去季「主場王」威力蕩然無存，面對榜首惡爺根本冇必勝把握，捧「讓球客勝」數。