03/12/2008
文： 重炮手
熱刺近排踢成點？套用後京治講法就係「欠缺想像力」！最近佢批評中場莫迪歷傷之後，球隊踢法變得單調，連隊長都咁講可想而知係有問題，今晚聯賽盃八強作客英冠屈福特未必惡得出，主隊法定時間內可能唔使輸，一於博2.1倍「讓球主勝」！（now670台及廣東體育周四凌晨3:45直播）
屈福特易帥新景象
上場輸畀愛華頓之後，熱刺隊長京治就狠批自從少莫迪歷校炮，成隊踢法即刻單調晒令對手易於防範喎！事實上京治亦講得無錯，原來熱刺近三場無莫迪歷後，只係夾埋入得兩球，擺明死晒火。最慘係連京治今晚都唔出得，攻守同時有主力缺陣，今次出征真係暗湧多多。
相反屈福特上場有新帥羅渣士接手，困擾好耐領隊人選問題終於解決，話唔定帶新景象，加埋對上五仗兩勝兩和一負近績，實在唔似等！雖然球會主席森遜辭職，但高層同球員有時係兩個世界人，影響又未必咁大！