03/12/2008
文： 周姐輪
今季英超風起雲湧，冇邊隊有把握可以登上王座甚至打入前四，間接令到好似曼聯呢大球會都重視盃仔，避免季後四大皆空。上兩圈聯賽盃都用唔少主力紅魔鬼，今晚奧脫福對住近況奇差布力般流浪，贏波晉級應該冇問題，保守玩個3.45倍「讓球和」確實幾穩陣。（now671台周四凌晨4:00直播）
布力般3連敗後防穿窿
曼聯以往例牌冷待聯賽盃，不過今季佢仲未英超追上榜首，要冕英超冇十足把握。為免季尾空手而回咁樣衰，相信曼聯會大小盃賽吊住條命先，你睇費格遜份人咁寸嘴，上兩圈對昆士柏流浪同米杜士堡都派唔少主力上陣，包括朴智星、泰維斯同奧沙，幾位超新星好似保斯邦同拉菲爾達施華都有出，雖然C朗今場坐波監，但上述人腳都夠贏啦！
布力般近況差到痹，聯賽三連敗，前面入幾多波，後防都嘔突出，雖然上兩圈分別淘汰愛華頓同埋新特蘭，但呢一關遇曼聯，好難再有驚喜。左閘馬田奧臣刑滿復出，不過幾位中場格拿、鄧尼同埋史堤芬列特都要繼續養傷，供應少，難怪辛達告魯斯呢射手都黯淡無光，今晚作客奧脫福輸少當贏啦！