02/12/2008
文： 周姐輪
英聯盃打入八強喇！新球季打到有聲有色史篤城，一早表明對聯賽盃流晒口水，既然天助佢抽到主場出擊，對手打比郡近況又差，史篤城冇理由唔把握機會贏波晉級，主勝穩開！（開賽時間：周三凌晨3:45）
靠手榴彈出位史篤城，剛剛過去十一月只係輸過畀曼聯，表現唔錯。最緊要係佢有心玩聯賽盃，前三輪先後踢車頓咸、雷丁同埋洛達咸出局，唔覺唔覺入到八強，一定搏埋落去啦！史篤城目前冇咩傷兵，只係利姆羅倫斯同安祖戴維斯要倦勤，但後梳爾哥斯同前鋒傑臣就有機會今場復出。
打比郡英冠三場不勝，上周六仲畀般尼炒三蛋，依家跌落聯賽榜中下游，士氣同狀態都麻麻，想越級挑戰史篤城明顯有心無力。何況右閘艾比治臣同中堅哥迪戴維斯養傷，條防線即時散晒，呢場作客注定冇運行。
英聯盃賽制
今輪為八強賽事，以一場決勝負形式進行，若法定時間內打成平手，則需加時決勝負（加時雙方需完成上、下半場各十五分鐘比賽），若加時仍未能分出高下，則互射十二碼決勝負。
英總賽制
今場為足總盃第二圈補賽，兩隊若在九十分鐘內打和需重賽。重賽若在九十分鐘內打成平手，則以加時決勝負（加時分上下半場各十五分鐘），若加時仍未能分出高下，則以十二碼決勝負。