02/12/2008
文： 巨高
英格蘭足總盃第二圈補賽，摩甘比主場再鬥車頓咸。基於上次打到六十四分鐘，霧氣籠罩整個球場，球證以天氣因由終止比賽，當時比數為一比一。從網上回顧，摩甘比佔唔到太大甜頭，今場讓球唔抵，話晒車頓咸級數高過對方。況且車頓咸足總盃曾有客勝紀錄，受讓的話必捧「讓球客勝」。（周三凌晨3時45分開賽）
摩甘比英乙未踢掂
摩甘比其實英乙表現都係麻麻，如果唔係有三隊被扣分，摩甘比未必排到第十八位。睇番足總盃首圈，摩甘比只係僅勝英乙魚腩甘士比，實力有待證明。就算畀多次機會佢對車頓咸，亦唔會有好大幫助。況且摩甘比近況唔算標青，睇唔出佢有乜本錢讓波。
車頓咸係英甲弱隊，不過佢對盃賽好重視。首圈作客面對英甲前列球隊奧咸，車頓咸踢落毫無懼色，大膽地進攻，結果贏一比○晉級。
今次對手轉為乙組下游球隊摩甘比，車頓咸所受壓力就更輕。難得有受讓之利，今場冇理由走寶。