01/12/2008
文： 周姐輪
波圖發火，非同小可！近期全面復甦波圖，火龍球場迎戰科英布拉大學，確實係大家搵食好時機，皆因呢支葡國勁旅弗到爆，去到邊贏到邊，加上擺明大蝦細季季都食住大學，雙方近六次聯賽交手，波圖都晒三分，今鋪炒得起有餘，1.65倍「讓球主勝」要捧！（開賽時間：周二凌晨2:15）
早前波圖唔知係咪冇拜神，頭頭碰黑，歐聯輸完波，聯賽又連敗畀拿華同歷索斯，真係冇晒面。不過呢支葡超三連霸球隊始終係實力分子，調整過後重新上力，歐聯贏基輔戴拿模同埋費倫巴治，聯賽亦擊敗甘馬雷斯止血，阿根廷射手法尼亞斯仲破埋入球荒，主將利辛度盧比斯又狀態大勇，確實可喜可賀。
科大近6仗聯賽不勝
科英布拉大學已經連續六場葡超未贏過，當中仲有四場係吞蛋冇波入，咁又係，大學今季踢九場聯賽，先入得四球，冇球員入球數字係多過「1」球，咁料作客火龍球場，仲唔係找死？波圖大勝可期！