30/11/2008
今晚「孖膽」繼續由西甲做主導，歐協盃大勝洛辛堡華倫西亞，會主場恭候貝迪斯，雙方火力都有番咁上下，大波膽屬心水之選，並向往績佔優華倫主勝方向埋手，頭關敲2:1同3:2。
雖然華倫周中先踢完歐協盃，但練艾美利派遣大量副選落場，所以唔需要替一眾主將體力擔心。對手貝迪斯呢排係Fit，但睇番兩軍對賽歷史，華倫對上六次主場對住貝迪斯都贏晒，擺到明格食格。
考慮到華倫近兩場西甲主場賽事夾埋失七球，防線明顯唔多穩陣，隨時畀腳風順到爆貝迪斯中前場艾曼拿同沙治奧加西亞有機可乘，半場敲1:1、2:1、全場2:1同3:2。
另外，馬體會已經歐聯到小組出線資格，練阿基雷為保飯碗，當務之急梗係要帶領球隊力爭上游，主場出擊料可憑較佳人腳晒三分。桑坦德靠防守起家，造訪卡達朗球場亦肯定先求穩守，今戰即使輸都唔會大敗，次關要馬體會贏1:0、2:0。