29/11/2008
文： 笛子波童
上輪荷甲受「冷鋒」吹襲，不過唔係講比數，而係講天氣，威廉二世主場對格羅寧根風雪中進行，結果猛虎不及地頭蟲，威廉二世大勝三比○，繼今季主場擊敗阿積士、飛燕諾後又一傑作，可惜梅開二度荷蘭射手迪莫治面黃牌，累積夠數今晚坐波監，對球隊影響甚大。
威廉二世「斷箭」頭痕
迪莫治今季聯賽已入十一球，佔球隊總數超過一半，而且威廉二世今季六場勝仗入面，有五場迪莫治有波入，共入七球，有佢在陣幾乎等如贏波保證。荷華高斯近四場雖然只得一分，但當中三場係作客，而且對手包括NAC、燕豪芬等前列隊伍，今次乘對手有主力缺陣，主場可望反彈。