29/11/2008文： 麥馬拿仁
衣食足，然後知榮辱。三餐也不繼，誰還講志氣風骨？含金鎖匙的富家子、小康之家的溫室花，哪會知道搵食艱難？依家香港人何只為五斗米折腰，叩埋頭都仲得。
有富豪老細照住
有仔趁嫩生，錢亦應盡早搵。人到中年，少個崩都唔掂，空講理想、目標，盞餓死老婆瘟臭屋。能為老細搏埋條命，係打工仔的光榮；於公司受盡白眼又如何？返到屋企睇見大大細細舒舒服服，就乜都抵番。做到能屈能伸，先係大丈夫、真漢子。昆士柏流浪多年來忍辱負重，終守得雲開有富豪老細照，作客水晶宮捧「讓球客勝」。