29/11/2008
文： Bomber Man
自從葡超球隊比蘭倫斯十月初炒練米路，改用前葡萄牙國腳柏查加執之後，成績的確有好轉，唔少球迷都對呢隊波好有憧憬。而周日凌晨比蘭倫斯將於主場對馬里迪莫，大部分*公司都開出平手盤，Bomber Man覺得呢個盤似乎對主隊有多少保留。既然主隊存有疑點，倒不如揀番作客馬里迪莫。（周日凌晨２時45分開賽）
操盤手唔睇好比蘭倫斯
其實現任比蘭倫斯頭柏查加葡萄牙相當有名氣，所以佢加盟比蘭倫斯之後引起唔少球迷關注，傳媒指數比起波圖及士砵亭等老牌強隊仲要高。既然比蘭倫斯近兩個月吹得咁「行」，一定惹唔少人跟風，所以今場就算讓馬里迪莫「平半」都唔過分。
不過，操盤手開平手盤對主隊唔多信任。其實馬里迪莫今季表現唔差，純計數字的話，馬里迪莫作客勝出率比主場仲要高。睇積分榜，今季芬查爾雙雄國民隊及馬里迪莫都交足貨，積分榜能壓住波圖絕唔簡單。橫掂馬里迪莫有高水咁過癮，平手盤一試無妨。