29/11/2008
文： 走肖
日職「畀面派對」預埋你！川崎前鋒今日主場對神戶勝利船，屬於爭標關鍵大戰，賽後前鋒會舉行「2008主場最終戰答謝典禮」，報答擁躉支持，為爭冠軍肯定搏甩髀，開到3:1、4:1波膽唔奇。
上半季前鋒有練關塚隆因病辭職，新加盟J2神射手侯克扭計跳槽，戰績好難睇，全靠球迷熱情嗌番醒隊波，依家至有機會爭冠軍，賽後佢會主場開派對，所有高層、職員、球員都要出席，鞠躬向球迷道謝，既然計埋盃賽，前鋒近五場主場有四勝一負，喪入十三球，主場謝幕戰點會流攤？
目前前鋒落後榜首鹿島鹿角三分，左中場山岸智因傷多數繼續缺陣，但勝利船有巴西中場保迪受傷，被禾夫斯堡睇中隊長大久保嘉人亦多數避戰，難免拖低進攻火力。更重要係，勝利船目前聯賽排第八，天皇盃又十六強出局，根本冇好爭，球員好易有等放假心態，作客川崎隨時被大炒。
波膽推介
川崎前鋒勝
3:1、4:1