華倫留力讓唔起

踏入十二月，球星轉會消息又成熱炒新聞，但最終成事的又有幾人？現階段只有皇馬落實賣阿積士的荷蘭國腳亨迪拉亞，逼使皇馬咁堅決要賣人係因為傷兵實在太多，近年着力荷蘭化的皇馬，收購亨迪拉亞都好正路，因為此子與雲尼斯達羅踢法好相似，出道已被喻為雲尼斯達羅接班人，一加盟應該可以盡快適應，減少磨合上的問題，對皇馬而言係最合適的人選。至於最大口氣的曼城，又話賣卡卡、美斯、卡斯拿斯等球星，又係咁講，唔係有錢就得。

今晚比賽又係以歐洲足協盃為主，其中一場心水係華倫西亞主場對布魯日，初盤華倫西亞要硬讓球半，應該係贏波輸盤格。幾點理由相信，華倫西亞搏命的機會唔大，首先係出線問題，目前有四分排第二，多布魯日兩分，另外兩隊哥本哈根同洛辛堡只有一分，華倫西亞根本唔使驚。最重要理由係，華倫西亞今周聯賽要作客巴塞羅那，呢場大戰對爭標起着重要影響，權衡輕重，華倫西亞肯定留力。

推介：華倫西亞和1：1