曼城破“門”不易

經過兩場大戰之後，曼城始終未能三連勝，在打吡大戰中斷纜，一球敗於同市死敵曼聯腳下，不過，整體表現還可以，只係部分主力明顯體能下降，輸質素又輸體力確係無話可說。

馬不停蹄的曼城又要應付足協盃比賽，由於已經穩奪出線資格，領隊曉士可能會讓部分球員休戰，整體實力會稍為削弱，對手聖日門隨時有機可乘。因為聖日門兩戰只得一分，今仗再失分的話，想出線都難，今晚必定搏硬，初盤受讓半球 / 一球，不妨考慮聖日門。

曼城輸畀曼聯一仗，多名主力包括艾蘭特、華素爾、列加度及高柏尼等都未能表現出應有水準，可能經過阿仙奴及史浩克兩場大戰之後而影響發揮，始終賽事太過頻密。

聖日門最近狀態唔錯，近六戰取得四勝一和一負，陣中亦不乏好波兼有名氣球員押陣，馬基利尼、古利、基士文、泰奧利、盧恩度拿及卡馬拉等，都係身經百戰踢慣大賽，講到前中後三線平均實力，絕不輸蝕畀對手曼城，只要穩打穩紮，聖日門可望不敗而回。

推介：和波 1：1