阿仙奴對手非一“般”

今晚重要賽事唔多，只有英格蘭聯賽盃八強較有睇頭，英冠前四球隊般尼越級挑戰英超勁旅阿仙奴，雖然人腳班底兼牌面都可能差成幾班波，但般尼主場惡到出汁，而且之前已經淘汰富咸及車仔兩支英超球隊，今晚對住阿仙奴一於照砌。

“口靚仔波”真係難以捉摸，正如阿仙奴班後生仔一樣，對住車仔又踢場超好波，不過，聯賽仲有幾多希望，相信雲格都心中有數，會唔會冇咗個橙而執番個桔，攞番個盃仔向球迷交代，就要睇雲格今仗點出人。但韋拿、藍斯、森遜及袓亞奧等幾位重點培育之星肯定仍以正選上陣，其實呢班“花口靚仔”博起上嚟，般尼班波仲加難踢，幸好自己地頭出擊，點都可以駁得兩咀，未必會一面倒輸晒，初盤受讓一球，打慣爛仔波的般尼可以扒冷。

般尼在英冠緊守前四位置，而十場主場比賽只輸過一場，主場有一定威力，球隊亦以年輕球員為主，同樣有氣有力，可以與阿仙奴一班小將鬥攻鬥搶，前鋒馬田柏達臣係般尼最強攻擊手，阿仙奴不可不防。

推介：和波 1:1