車仔主場做硬“兵”

近況低迷的阿仙奴幾經辛苦之下，終在歐冠盃跨進一大步，但能否爭取佳績，繼續向前邁進，都係言之尙早。至於英超爭標機會，阿仙奴其實都幾渺茫，但肯定唔會在聯賽放棄任何一場比賽，至少都要穩奪前四位置爭取踢下季歐冠盃，可惜，球隊目前傷兵滿營，人腳兵源不足，今晚作客車路士確難保不敗而回。

車仔在歐冠盃受到阻滯，但為穩固英超榜首位置，今仗必定全力撲擊阿仙奴，以兩隊近況表現，車仔仍然睇高一線，至少人腳調配比較完整，前鋒杜奧巴停賽，但仍有安歷卡、卡羅奧及迪辛圖作後補，而後上林伯特、馬路達與布歷克都有一定的入球能力，加上周中冇踢的迪高，車仔威力唔差得去邊。

雲格在周中歐冠盃焗住派出幾名新秀上陣，包括藍斯、韋拿及袓亞奧等，後備名單除門將法比安斯基及前鋒賓特拿外，都冇乜邊個較為熟悉，可想而知阿仙奴目前真係人腳有限。講球隊狀態，球員大賽經驗，阿仙奴一班小將始終不及車仔，況且仲要踢作客，受讓半球/一球都冇着數。

推介：車路士勝2：0