哈化柏林等收“科”

哈化柏林目前排德甲聯賽榜第四位，只係少榜首神奇球隊賀芬咸四分，隨時有機會爬上前三甲位置，所以今晚主場迎戰實力較弱的科隆，又點會錯過搶分大好良機。

科隆在德甲屬於中下游分子，平均人腳、實力比起前列隊伍明顯遜色，加上近來兩連敗，士氣與狀態都不及今晚對手哈化柏林，想偷雞要攞一分，睇怕都幾“抆水”，初盤開出哈化柏林要讓球半，相信問題不大，一於照捧哈化柏林贏波贏盤。

哈化柏林近三戰全勝，當中手下敗將包括榜首的賀芬咸及漢堡兩支實力派球隊，球員狀態及鬥心十足，只要今仗繼續保持水準，贏波根本唔難。況且哈化柏林主場戰績相當不俗，開季至今只輸過一場，更加係信心保證。烏克蘭射手禾路連與塞爾維亞的彭度歷兩個係實而不華嘅攻擊手，而巴西雙雄迪亞拉奧祖及施沙路在德甲亦開始打響名堂，睇落真係高出科隆成班波，今仗只係贏多贏少，兼睇埋科隆有冇機會可以入波或者破蛋。不過十四場波只入十五球，科隆前鋒都唔叻得去邊，又冇贏波本錢，唯有等輸。

推介：哈化柏林 3:0