中國足協玩“谷主”遊戲

中國足球跌至谷底，誰繼續擔當“谷主”？近來嘅新聞充滿玩嘢色彩，絕對可以成為“中國特色足球”的經典讀物。

首先有一條不知來自何處的新聞稱，謝亞龍將繼續擔任中國足協掌門人，原因是他表明對中國足協已有基本認識，發現了問題並有信心繼續玩落去。消息一出，圈內外嘩然，尤其是球迷在網上駡聲一片：難怪中國足球如此成績，掌門人仲繼續有得撈？過唔過份呀，國家體育總局無其他人咩？！

接住又有一條同樣無標明表態者姓甚名誰的新聞，否認了國家體育總局已經決定謝亞龍繼續任職中國足協。這一前一後的消息被許多行家解讀為國家體育總局玩“捉放曹”的遊戲，人又係佢，鬼又係佢，目的是試探大衆的風向。

此舉完全有可能，因為足協“谷主”呢個位絕對係三煞位，雖然好有油水同埋見報率高，但亦最容易畀人鬧餐死，相信真係無幾多個體育局官員願意接呢一個爛攤子。謝亞龍經過足協數年歷練已經厚曬臉皮，反正比人鬧慣咗就無關痛癢啦。

不過如果真係謝亞龍續任足協“谷主”，相信中國足球極有可能繼續谷下去，直至谷爆為止。