漢堡做膽三串一

星期四，又係歐洲足協盃時段，亦係推介三串一的時間。今次頭關選中漢堡，呢支德甲球隊主場威力真係好強勁，至今七戰錄得六勝一和不敗，其間入十三球失六球，主場表現好穩定，勝率亦好高。漢堡的對手係荷甲的阿積士，呢支昔日歐洲勁旅已無復當年勇，近排又受到傷兵影響，嚴重影響場上發揮，講到作客戰績完全沒有強隊風範，單計聯賽，六戰兩勝一和三負，入十球失掉十二球，攻可以，但守就真係差，咁嘅表現，去到漢堡點頂得住，頭關一於搵勝率有1.72的漢堡。

第二關又係睇中德甲球隊，呢支係史浩克○四，對手係作客往往變樣嘅曼城，雖然有羅賓奴、祖奧等巴西國腳，但唔好忘記，佢哋今周對手係同市曼聯，留力機會好高，咁嘅情況，主場嘅史浩克贏面好高，仲有2倍勝率。尾關係樸茨茅夫主場對AC米蘭和波，老實講，兩隊本身實力上已有差距，講到歐洲賽經驗，AC米蘭班球員贏晒，即使半力出擊都唔會輸晒，何況樸茨茅夫走咗領隊列納之後變晒樣，唯獨主場之利，應該可以守和AC米蘭，和波賠率有3.2，幾好。

漢堡 勝 2：1

推介：史浩克○四 勝 2：1

樸茨茅夫 和 0：0