曼城作客有排“克”

曼城認真厲害，上周聯賽大炒阿仙奴三隻光蛋，可唔可以借住個勢，今晚足協盃作客史浩克再有神來之筆？又或者只係虛火？老實講，史浩克亦非善男信女，話晒在德甲都有些少地位，曼城呢關的確唔易過，始終自己知道自己事，作客戰績並非理想，何況仲要出國踢一定輸蝕。

史浩克近三場成績只係麻麻，一勝兩負，但之前輸畀利華古遜及拜仁兩支強隊，可以話情有可原，而上周聯賽三比一大勝慕遜加柏，可以增強今仗爭勝信心，而且該仗半場亦開始收起部分主力，擺到明博今晚一戰，事關今仗贏埋曼城，出線前路一片光明。講入球能力，H艾天托、化芬、古蘭恩及艾沙莫亞都係國腳級兼有名氣射手，差極有條數，再加埋拿傑迪及高拜舒維尼幾位好波之人作支援，足以有力攻破曼城不穩防線。

曼城除作客唔掂之外，後防線亦係球隊最弱一環，踢作客最“忌”係防守差，攻守不平衡情況下，必然處於劣勢，初盤開出史浩克讓半球唔算多，一於捧主場之利的史浩克可擊敗曼城。

推介：史浩克 2：1