韋根可以“愛”得過

韋根班波雖然人腳質素唔算太好，但勝在球員夠爛砌，拼勁十足兼永不言敗的鬥志，往往令對手要艱苦作戰，絕對唔易應付，上周作客紐卡素亦憑死纏爛打，終於在完場前追和紐記。由於目前仍在榜尾掙扎，所以場場都係重要搶分之戰，今晚主場硬撼愛華頓，必定會全力撲擊對手，始終主場會踢出加一波，而初盤開出平手唔使讓，捧韋根有一定着數。

韋根攻力只屬一般，一個卡馬拉明顯唔夠殺傷力，所以球隊欠缺贏波本錢，之不過由巴蘭保、米捷洛、費古爾路亞及舒卓拿所組成防線亦值得一讚，有經驗、夠硬朗亦有技術性，以中下游球隊嚟講，呢條防線屬於穩健派，若要與愛華頓實力相比，其實唔會有太大差距，最緊要打度氣，上仗追和紐記追得咁精彩，今晚士氣都唔同。

愛華頓一向神神化化，尤其是踢作客，竟然醒過打主場咁多，而近五場更取得三勝兩和成績，當中包括班霸曼聯，沙哈正選之後，球隊攻力大增，近三場入三球，盡顯個人入球能力，今晚食粥食飯都係靠佢。

推介：韋根 2：1