熱刺主場有回“布”

“老納”接手熱刺後連續六場不敗紀錄終於在上周聯賽斷纜，目前仍未脫離危險期，繼續在榜尾位置掙扎，不過今晚主場迎戰近期仲差的布力般流浪，對熱刺仍充滿信心，初盤熱刺讓半球／一球屬於正路，至少可執半個盤。

要贏波最緊要睇有冇入球能力，而熱刺近期入球數字的確唔差，自從“老納”入主之後，七場波總共攻入對手十九球，進攻能力大大改善，連質素一般的D賓特都生埋，可以入到國家隊真係要多得“老納”。另外柏夫路真高的自信心亦增強唔少，最主要原因係因為中場線改造得相當成功，賓特利重生之後，表現並冇令“老納”失望，表現一場比一場出色，令邊線進攻威力更加銳利，亦令到中場重心摩特歷可以發揮出更佳水準，相信熱刺絕對有能力可以走出谷底。

有“神經刀”之稱的布力般近況都唔好得去邊，除聯賽盃贏過新特蘭外，近七場聯賽未贏過。事實上班波人腳只屬二三線，攻強守弱，前鋒線還可以，但中後場始終欠缺高質素球員押陣，比起熱刺相差半班波左右。

推介：熱刺2：0