皇馬讓唔起維爾瓦

今個星期的國際友誼賽，幾位教練真係值得向佢哋致敬，第一位係意大利的納比，有“銀狐”之稱的佢刷新卅一場國際賽不敗紀錄。呢個紀錄，莫講話要打破，想追近都難。有人會話，意大利咁強？墨西哥響中北美洲亦係強中之強，但比艾歷臣帶到差點出唔到線。實力固然重要，但領軍才能，直係唔係話咁易。第二位係卡比路，一支咁平平無奇嘅英格蘭一響佢手即變勁旅，之前嗰位麥卡倫真係不知所謂。最後一人係阿根廷嘅馬納當拿，一位沒有實績的人，竟然可以令到一班球星為佢賣命，呢種就係魅力，一種新的領軍模式，相信只有馬納當拿先做到。

講返今晚比賽，又係西甲的皇家馬德里主場對尾二的維爾瓦，初盤讓球半，換着係以前嘅皇馬，莫講話球半，兩球半都讓得起，但今時今日嘅皇馬真係信唔過。同阿根廷一樣，皇馬都係球星如雲，可惜帶隊的唔係馬納當拿，而係平庸的蘇斯達，已經到咗衆叛親離嘅境地，從上仗輸比華拉度列一仗所見，球員鬥心全無，咁嘅士氣，對着維爾瓦都無優勢可言。皇馬贏波唔難，要數就唔易啦，硬讓球半寧博下盤。

推介：皇家馬德里勝2：1