03/12/2008
文： 樂比堅尼
今晚英格蘭聯賽盃繼續上演兩場八強戰，較早時段開波係冕冠軍熱刺作客英冠球隊屈福特。今場比賽焦點係兩位老人家，熱刺領隊夏利列納同埋屈福特技術顧問老林柏特。老林柏特打呢份風流工都係志在過日辰，點會阻住「妹夫」兼前拍檔夏利列納發達，樂比仔睇好「盃賽王」熱刺晉級，[被屏蔽广告]客W值得捧場。（now 670周四凌晨３時45分直播）
老林柏特讓路妹夫夏利列納
老林柏特退出球圈已經一段日子，但自從年初喪偶後，決定復出打發時間，上周先擔任屈福特顧問。佢韋斯咸時代曾經同「妹夫」夏利列納齊齊拍住上，兩人關係仲好過親兄弟，今場究竟有冇利益衝突，都係句，請大家自行評估。
而且熱刺對英聯盃亦相當重視，對上兩圈都強陣出擊，分別淘汰紐卡素同[被屏蔽广告]利物浦出局。由於熱刺季初聯賽失分太多，要爭取歐洲賽入場券機會較微，所以盃賽係佢發圍最好機會，難得八強抽得好籤，有乜理由唔搏殺先！
屈福特自從前季降落英冠後，成績一年差過一年，上季都仲排到第六，今季更跌落下游位置，與其大想頭爭英聯盃，倒不如畀心機護級好過，[被屏蔽广告]客W有1.65倍，樂比仔認為抵到爛！