03/12/2008
文： 朱楓
今晚韓職六強賽會上演總決賽首回合，由FC首爾主場對水原藍翼。首爾上圈勇挫蔚山現代士氣大振，呢場更有兩大主力復出，簡直如虎添翼；藍翼已經差唔多成個月冇比賽，狀態好極有個譜，朱楓認為首爾有力贏波首回合先拔頭籌！（開賽時間：周三晚7:00）
首爾今季聯賽表現極之穩定，全季只係輸過兩場咁大把，可惜最後因得失球差唔及藍翼排第二。咪睇呢間首都球會上圈力戰至加時先以三比二擊敗蔚山現代，其實對手季尾狀態弗到爆，呢場贏波對首爾可謂打一支強心針，何況佢今晚更有國腳中場李青龍同守將安泰根刑滿復出，戰鬥力即時大增。
至於藍翼方面，佢下半季聯賽表現明顯冇上半季咁好，對住季後賽另外五隊只得一和四負劣績，最慘之前六強賽仲要輪空，已經差唔多成個月冇比賽，依家一就踢冠軍戰，點投入呀？睇怕首回合都係志在培養作戰情緒，輸少當贏，等次回合再搏殺！