03/12/2008
文： 巨高
今晚意大利盃十六強直播[被屏蔽广告]AC米蘭主場大戰拉素。「紅黑兵團」一向忽視呢項盃賽，爭勝決心令人懷疑，今仗大有可能派副選上陣，實力必然打折扣。拉素唔使踢歐洲賽，對意盃渴求度一定比AC強得多，今場捧拉素「讓球客勝」。（無翡翠台周四凌晨3時45分直播）
ＡＣ今季目標係聯賽冠軍，就算有份踢歐洲[被屏蔽广告]足協盃，練安察洛堤亦唔會派強陣出擊，更何況係意盃？其實ＡＣ一向只以平常心對待意盃，會方唔會畀任何壓力球員，有一項數據值得提出，ＡＣ近卅一年來只係過一次意盃冠軍，以上屆為例，ＡＣ就十六強於派出大量副選情況下畀卡坦尼亞淘汰。
ＡＣ防線立立亂
就算ＡＣ好想贏，亦未必有心有力，皆因球隊上場聯賽作客巴勒莫輸一比三，連同早前兩場二比二和樸茨茅夫及拖連奴，已經累積三場不勝，狀態低沉，防線三場失七球，實在唔穩陣，好難畀到球迷信心。
拉素情況剛剛相反，爭聯賽冠軍機會唔高，本身又冇份踢歐洲賽，若想向球迷交代，意盃就最適合不過，故巨高絕唔懷疑拉素對盃賽爭勝欲望。呢支首都球隊今季整體演出唔失禮，以莫路沙拉迪為首鋒線攻力十足，呢位阿根廷小將步大力雄腳法細膩，連[被屏蔽广告]皇家馬德里都話想買佢，證明佢實力絕不簡單，今晚勢成ＡＣ防線心腹大患。
巨高預期拉素會依舊採取主攻踢法，隨時攻陷ＡＣ大門。意盃十六強一場決勝負，法定時間內打和將加時三十分鐘，仍未分出勝負則以互射十二碼決勝