02/12/2008
文： 朱楓
雖則[被屏蔽广告]阿仙奴打親英聯盃都出「兵仔」，但早兩圈先後大炒錫菲聯同韋根，已經證明班「小兵」對呢個盃有幾渴求，今晚八強對住由一群過氣[被屏蔽广告]英超球員組成般尼肯定未驚過，正所謂寧欺白鬚公，莫欺少年窮嘛，朱楓推介[被屏蔽广告]阿仙奴客勝！（now670台及廣東體育周三凌晨3:45直播）
早前[被屏蔽广告]車路士練韋健士，曾經批評[被屏蔽广告]阿仙奴領隊雲格用小朋友打聯賽盃，係唔尊重呢個盃賽，點知車仔最後出強陣都輸畀般尼，真係幾諷刺。
係，兵工廠呢幾年打聯賽盃都出細路仔，不過成績就有目共睹，最近三屆至低限度都殺入四強，今屆第三圈先大炒英冠前列分子錫菲聯六蛋，十六強再醒夫添出擊韋根三粒，睇得出一班「廠仔」踢英聯盃唔係志在吸收經驗咁簡單，佢真係想捧盃威！
事實上，[被屏蔽广告]阿仙奴二線隊入面真係臥虎藏龍，好似前鋒卡路士韋拿咁，上兩圈聯賽盃加埋入四球，近排已經多一隊上陣，另外被傳會以十六歲之齡入選英格蘭U21韋舒亞、「新法比加斯」法蘭梅里達同「新伊恩胡禮」積森遜都一樣有料到，個個博上位心切，呢場點都唔會手軟。
般尼老將11日4賽腳都軟
對家般尼方面，呢支英冠球隊上圈法定時間作客逼和[被屏蔽广告]車路士，最後射十二碼晉級，加上今季主場輸過一場咁大把，今場的確予人期望。但要留意係，呢場係般尼近十一日內第四場比賽，對於呢支充斥羅比比歷克、史提芬卡達維同祖漢斯古莊臣等過氣[被屏蔽广告]英超老將球隊講，絕對係沉重負擔，今鋪對住一班生牯仔隨時被人放到有氣冇碇抖，輸到大大鑊都似。