30/11/2008
文： 麥馬拿仁
托利斯來到晏菲路後，除同鄉里連拿、沙比老友外，仲同謝拉特一見如故。入波後二人慶祝都特別癡纏，而平時王子同愛犬玩波，更幫牠穿上謝四八號波衫。
佢咁friend，只因身處同一level。神奇隊長快而勁的直線，只有托利斯先接應得到；謝四一個小動作，王子已知如何入楔。這種超級球員才有的心靈相通，畀錢都買唔到。
謝四也承認，於十年利記生涯中，只有奧雲和托利斯屬於這個級數。足球場上天分決定一切，情場亦然，如雙方唔同level，勉強都氣，正如無論禾路連多努力，都「打動」不了謝四一樣。史雲斯級數唔及卡迪夫城，所以讓唔起平半。