30/11/2008
文： 路西法
巴甲去到最後階段，聖保羅手執半隻盃耳，奪標形勢可參閱同版阿武羅賓推介。！唔好話路西法側側膊唔畀料，今周推介畀大家有高士路上盤同維多利亞下盤。
高士路今場作客國際體育會，後者疊埋心水數日後踢南美球會盃決賽次回合，聯賽一早放埋一邊，佢近期聯賽派出二線兵唔夠砌，結果上周主場吞富明尼斯兩蛋，今次對住實力更強兼力保前四高士路，輸多場順便做個「順水人情」又有乜所謂先？
至於維多利亞呢支升班馬雖然冇爭，但就唔甘於排聯賽中游咁簡單。上仗主場痛擊甘美奧，令對手爭標希望近乎幻滅，連老牌球會都唔畀面，攔路虎惡相出晒，今場當然唔驚逢作客例腳軟彭美拉斯。