30/11/2008
文： 蘇豪
金融海嘯搞到人人荷包大縮水，但各界貫徹「加快減慢」作風，搭程車貴幾成，豆豉鯪魚企硬廿皮，食個漢堡包餐就快三條，銀紙愈來愈唔見使。與此同時，各機構現裁員潮，人人自危，日子認真難捱矣！
個個擔心畀人掃走，有人型爆劈炮唔撈。名古屋鯨魚射手科迪莊臣年屆三十四，仍想搵新挑戰，決定唔同會方續約，據悉有意轉投另一日職球會清水心跳。不過，科迪莊臣仍然非常專業，對上兩場賽事總共入三球，抵讚！
名古屋鯨魚今日主場對札幌岡薩多，門將楢崎正剛受傷，射手玉田圭司及吉川圭司停賽，熱Ｗ唔多穩陣，兩隊近排失波多，捧大好過！（now 633周日下午3時直播）