30/11/2008
文： 阿武羅賓
十一月接近尾聲，又係埋單計數時候，羅賓因為月頭失利，相信今個月冕機會唔大，只係希望能夠護級成功，保留下個月再向大家畀料機會。
羅賓冕機會微，不過巴甲聖保羅就唔同，因為巴甲只剩兩輪賽事，「一哥」聖保羅領先甘美奧五分。換言之今晚贏波就可以提早封王，完成三連冠霸業，主場對富明尼斯仲唔係Party Time？（now 633周一凌晨3時直播）
聖保羅自從南美球會盃出局後，重新上力爭聯賽，最近六戰取得全勝，主場戰績亦錄得六連勝，氣勢如虹，冇理由會臨尾香。對手富明尼斯只係數字上仲要護級，但實質壓力唔大，因只要其他下游分子今仗失分，富隊亦可提早上岸，咁心態點阻聖保羅封王先？