30/11/2008
文： Jo Wai
早兩日睇到單新聞即時O晒嘴，有警察涉嫌差館強姦報案個女仔，嘩，咁都得，仲成世界！細個好崇拜差人叔叔，覺得佢好正義，而且充滿英雄感，仲幻想過第時搵個警察男友添！唉，依家成日睇報紙，見到警隊醜聞一單接一單，已經冇晒幻想咯，too bad！咁事都可以發生，以後真係要提高警覺喇！
呢個世界真係好多衰人，平時做得辛苦，得閒會約朋友飲，好多時都Friend搭Friend，突然會多好多人。本來一大班人玩，識多幾個朋友冇壞，不過，有男仔不懷好意，玩陣借意摸手摸腳，趁住女仔飲大兩杯，跟住就乘機博懵，挨挨傍傍係咁揩油，正賤man！好彩我圍內班姊妹好醒，飲酒識得量力而為，更會互相照應，唔怕蝕底畀人！
維拉利爾花名靚要撐
橫掂講開衰人，唔差在數埋隊衰波，西甲隊維爾瓦渣到冇人有，依家排緊包尾，不過，Jo Wai都幾同情佢，對上兩周輸完畀巴塞隆拿同皇家馬德里，今晚又要主場對維拉利爾，賽程安排連鬥三支硬，都唔知係咪得罪人！維拉利爾個花名叫「黃色潛艇」，Beatles首《Yellow Submarine》咁正，我梗係撐佢啦，客隊Sure Win啊！（有線足球台61周一凌晨零時直播）
Jo Wai
新一代靚界女神，跳跳紮冇時停，鍾意做運動keep住至弗體態。波唔會落場踢，但就鍾意睇，只要得閒就乜聯賽直播都唔會放過，有樣有身材仲識波，問你點頂！