30/11/2008
文： Kartherine Lee

葡超球隊士砵亭今季要應付歐聯，難免影響到本土聯賽發揮，為保持爭標機會，士砵亭確有搶分必要。而經過五場歐聯後，少帥保羅賓度就表明會專注番本土聯賽，以免被歷索斯及同市宿敵賓菲加拋離。而本周葡超士砵亭主場對甘馬雷斯，操盤手未有受球隊主場兩連敗所動搖，「主W」賠率依然偏低。預期士砵亭今場可重拾強隊本色，以大比數擊敗甘馬雷斯，「讓球主勝」博得過。（周一凌晨４時15分開賽）

甘馬雷斯遇Big3腳仔軟

士砵亭今季投放唔少資源落歐聯，今次能夠取得十六強席位，相信管理層都感到滿意。既然球隊短期目標已達成，現時大可以全心全意為聯賽搶分，爭勝決心及集中性成為球隊今場爭勝最大動力。
球員方面，前鋒普斯迪加及列特臣近期都保持良好狀態，而靈魂人物摩天奴今季在聯賽或歐聯都有平穩演出，預計三人進攻組合可為球隊帶來大量入球。最近四次士砵亭都能以主隊身份擊敗甘馬雷斯，相信今次亦唔會例外。
甘馬雷斯上季取得聯賽季軍，表現令人眼前一亮，不過今季表現嚴重下滑，九場聯賽只獲兩勝，早前面對波圖及賓菲加都相繼落敗，今次面對另一支「Big 3」球隊士砵亭，梗係唔睇好啦。