30/11/2008
文： 黃興桂
麻煩球星艾佛遜上周四因為回家慶祝感恩節，缺席底特律活塞操練，結果之後一場NBA比賽被練居里放後備席，雖然艾佛遜已為其任性行為作公開道歉，但作為體育行業一分子，包括打波、講波Peter在內，投身此行業前已有足夠心理準備，始終並非朝九晚五銀行工，過時過節未能跟家人享天倫亦係迫不得已，正所謂「食得鹹魚抵得渴」，更何況艾佛遜係一個日賺超過一百萬港元打工皇帝，根本唔可以作為缺場藉口。
當然如果硬性規定冇假放，對球隊整體士氣及氣氛亦冇益處，Peter曾經過波，深知球員點諗法，要做到「兩面俱圓」，練必須作出彈性安排，例如公眾假期日子可以將操練安排早上舉行，讓球員有足夠時間跟家人團聚，相信咁樣可將球員跟球會之間摩擦減到最低，對球隊肯定有正面幫助。
曼聯爭勝心強要客W
言歸正傳，今晚英超上演曼徹斯特市打戰，Peter揀曼聯客W。曼城今季大事擴軍，成績係比以往進步，不過亦因為過分高調，將令曼聯領隊費格遜更有戒心，唔敢輕敵。曼城目前進攻靠晒羅賓奴，上周中足協盃領隊曉士故意收起佢，明顯為今仗留力，不過費格遜豈會不知此道理？兩隊拍埋一比，曼聯勝在夠平均，羅賓奴雖強，可惜單天難保至尊，曼聯目前落後榜首車路士八分，失分空間唔多，作客一樣要求三分，戰意有保證，客W有1.75倍值博。
Tips
曼聯 勝