30/11/2008
今日旺角場戲碼唔錯，南華對公民爭入四強會有激戰，波男亦會去捧場。除落場球員表現之外，我仲會留意埋南華總練「清高輝」添！
點解睇住「清高輝」？梗係喇，呢場係「清高輝」季初頂替曾偉忠「坐正」之外，首次同舊東家對撼，不過佢會抱住平常心去對待呢場比賽，冇問題！
「清高輝」上季帶公民，季初冇人睇好，但最終到一冠一亞，真係令人大跌眼鏡，並以大熱姿態當選最佳練，估唔到佢平時唔聲唔聲，真係嚇人一驚。
上季收咧後，佢「招積」引薦下上山任助，之後「招積」因病引退，「清高輝」起總練重擔，「少林寺」係眾矢之的，壓力當然大到痹，但坐得上去，就幾大都要頂得住。
各為其主唔諗其他
未對公民前，互聯網討論區有好多人講緊「清高輝」，話佢今日心情會好複雜，但佢同「波男」講：「雖然跟公民上下都有深厚感情，但依家係各為其主，只會以平常心去應付今場波，根本冇諗倒戈相向問題。
波男細細個已經入場睇波，當然睇過「清高輝」為海蜂等球隊把關雄姿，佢八十年代打過好多國際賽，曾經係香港隊長期正選。打波到依家波，佢都貫徹低調風格，畀人木訥、沉靜感覺，可謂幾十年如一日。
以前咁多好波外援，做龍門把關固然唔容易，依家「少林寺」把另一種關亦難度高，點樣滿足廣大「擁南躉」要求，要睇「清高輝」功力喇！