30/11/2008
文： Sugar
Sugar每次遇到煩惱，都會收埋自己一個人去面對，有時我會自己行海灘散心，或者去離島呼吸新鮮空氣，總之係希望轉變一下環境，重新上路。德甲兩支勁旅史特加同史浩克04今季齊齊陷入困境，聯賽成績大跌Watt，依家率先求變就係史特加，搵新帥巴布執鞭，我信佢會有生機，今晚反彈贏波，平手盤捧史特加啦！（有線62周一凌晨0:00直播）
成日睇報紙見到有人面對困難選擇尋死，Sugar先冇咁笨，生命誠可貴嘛！其實做人有咩困難解決唔到？總之窮則變、變則通，呢就係不變定律。就以史特加為例，佢今季踢十四輪，竟然只能失望咁排第十一位，即係跌落下半部，以呢支慣常係爭標球隊，梗係唔合格啦！好彩球隊高層識變，仲有得救時當機立斷，即刻提升助兼前德國國腳巴布執，我信佢可以及時反彈！
史浩克士氣低沉
唔係講笑，提升前德國國腳巴布執，至少佢史特加早已夠晒威信，亦都熟知球隊內部一切。上周中歐協盃係巴布領軍第一擊，雖然未能贏波，但對住森多利亞都曾經領先，算係打得唔錯。今晚返回主場得到球迷支持，Sugar信佢可以踢番最高水準。
史浩克呢邊，都唔叻得史特加幾多，排緊第七位。Sugar睇見佢近五場只係贏得一鋪，射手古蘭爾踢歐協盃又畀球迷喝倒彩，士氣咁差，真係點贏？最緊要係史浩克原來近六次作客史特加得三和三負，呢場「雙史戰」Sugar梗係捧主隊啦！