30/11/2008
文： Mandy
呢排夜晚重播《女人唔易做》，真係愈睇愈唔抵得「高Ling」，竟然有個咁長情同專一男仔等佢咁多年，換轉係Mandy肯定第一時間飛撲去「小齊」懷抱呀！其實姊弟戀有乜咁羞家先？只要大家兩情相悅，根本唔使計較咁多無謂，「高Ling」真係保守到爆！
鐵加雷壓陣定過抬油
思想比較OpenMandy，睇波同做人一樣，都係鍾意進取同直接，馬德里體育會就係Mandy其中一支心頭愛，鍾意佢踢得夠爽兼好睇。不過好睇還好睇，馬體會都有唔少弱點，最致命瓣肯定係表現欠穩，就算歐聯踢到曉飛都好，但返到聯賽都可以走晒樣失分畀榜下游奧沙辛拿同紐文西亞，問你怕未！
佢今晚會卡達朗球場恭候桑坦德，當大家認為馬體會可以食住殺入歐聯十六強個勢，住桑坦德砌時，我估就未必啦！以一支中游球隊講，桑坦德有定海神針加雷壓陣下失波算係少，踏入十一月後更只輸過一場波咁大把，造訪馬體會有得撼，Mandy梗係捧2.5倍「讓球客勝」啦！