30/11/2008
文： Crystal
近幾日氣溫急降，搞到平時都好鍾意露臍裝同短裙Crystal，都要轉一轉裝，番長褲、中褸同頸巾，當然唔少得番靚Boot出啦！Crystal雖然係貪靚，但就絕對唔會愛靚唔愛命，事關冷病咪盞自己辛苦！各位姊妹都要小心身子唷！
愛華頓走勢疲弱
天寒地凍，有咩好得過約埋幾個朋友，屋企一邊打住邊爐、一邊睇波呀！上周中歐協盃又贏波熱刺，今晚主場對住「拖肥糖」愛華頓，雖然兩隊積分榜排名差一大截，但係計近期走勢，熱刺連贏兩場，而愛華頓就一和一輸，對上場仲要輸埋畀隊弱旅韋根，就梗係繼續支持熱刺正路。
何況熱刺飛射手柏夫里約真高上周中唔使踢歐協盃，抖埋抖埋今場搏命就數喇！大家都玩少少1.85倍主勝啦！