30/11/2008
文： 走肖
日職冠軍爭奪戰進入終極階段，名古屋鯨魚今日主場對札幌岡薩多，肯定會搶W保持爭標機會，因為鯨魚自中場靈魂馬治林復出後，前線即刻撻，有權開3:1、4:1波膽，信心夠就買埋「讓球主勝」！
曾經高踞聯賽榜首鯨魚，上個月突然跌Watt，主要原因係巴西外援馬治林受傷，造成中場創造力不足，但隨住佢復出，鯨魚前線立即翻生，先後以1:2負柏雷素爾、2:1勝大宮松鼠、3:2挫京都不死鳥，攻擊力以倍數提升，要知道鯨魚再對上六場賽事，僅得四個入球，簡單講，有馬治林就有波入，為追趕榜首鹿島鹿角，鯨魚唔贏唔掂！
雖然鯨魚有前鋒玉田圭司停賽，門將楢崎正剛養傷，但篤定降班岡薩多衰到貼地，連盃賽近十五場得兩和十三負，更何況今季射入十五個聯賽入球岡薩多射手達維，經已宣布來季轉飯鑊，加盟鯨魚取代準備離隊科迪莊臣數胡，試問佢點會同新老細過唔去？咁搞法岡薩多破到蛋都收貨啦。
波膽推介
名古屋鯨魚
勝3:1、4:1