30/11/2008
文： 力奇
法甲勁旅馬賽雖然近況麻麻，仲要歐聯正式出局，不過正所謂爛船都有三斤釘，加上佢專注國內聯賽決心，今晚作客圖盧茲，點都唔似會再頹落去。力奇唔理馬賽守唔守得住全場，博佢半場和波應該冇乜走雞！
15場聯賽9次開半和
連埋歐聯在內連續三場未嘗一勝，但至少馬賽到依家都仲守聯賽榜第三位，你話佢狀態唔掂咩？但力奇都唔信法甲有球隊對住馬賽可以話贏就贏。始終陣內仲有好似高尼同賓艾化呢高質素球員，只要往後有好發揮，追番個聯賽冠軍都唔出奇。
當然，圖盧茲都唔係豆腐，家陣排緊法甲第七位，就知道唔簡單。最令力奇感興趣數據係，圖盧茲原來係法甲半和之王，開季踢十五場就有九場開半場和，比率高達六成。主場出擊，唔會怕馬賽，但要贏又有一定難度，唔使諗咁多，今場半和博得過。
半場推介
圖盧茲
半場和