30/11/2008
文： 工廠仔
曼聯跌Watt、曼城冒起，今晚場「曼市打」可能係近年最勢均力敵一次。曼城上星期技術性K.O阿仙奴，狀態大勇中場艾利蘭光芒四射，今晚佢繼續主場出擊，欠缺正宗防中曼聯隨時睇佢唔住，首名入球小弟決定博艾利蘭！
愛爾蘭中場艾利蘭今季非常搶鏡，唔單止有一定腳法同速度，後上埋門時間亦都非常準確，呢位中場近兩場聯賽已經入三球，腳風順到你唔信，今季六個入波令佢成為球隊次席射手，絕對唔可以睇小。雖然今晚對手係曼聯，不過艾利蘭今季對利物浦同阿仙奴聯賽都射入首名入球，可謂遇強愈強。
曼聯亦有唔少隱憂，尤其係夏格維斯重傷後，「紅魔鬼」一直爭個搶得守得正宗防中，所以之前對阿仙奴、愛華頓陣，就輕易畀拿斯尼等中場球員後上入波。艾利蘭踢法刁鑽又夠弗，有力殺曼聯一個措手不及。
首名入球
（日）20
106 艾利蘭