29/11/2008
文： 黃興桂
歐洲主流聯賽及[被屏蔽广告]歐聯都踢到如火如荼，不過，睇勻各地賽事，到依家仲未見到有隊波鶴立雞群或者好有王者之風。[被屏蔽广告]西甲勁旅[被屏蔽广告]巴塞隆拿季初較具霸氣，主要因為美斯演出搶鏡，但佢亦試過無厘頭輸波，球隊似乎唔係一枝獨秀。
出現呢種情況，Peter認為絕不為奇，現時未到歇冬期，各路雄師仲未踩行油，咬住有利位置，等待適當時機先發力，就好似重量級拳手咁，慢慢搵機會作出致命一擊。想睇好戲上演，預計要到明年一、二月，到時各大聯賽進入衝刺期，場場波都當決賽踢，肯定非常精彩。
維拉質態兼備穩勝富咸
由於仲未到搏殺階段，冇必要每周追捧強隊。今日有唔少英格蘭足總盃賽事，英甲球隊修安聯主場出擊，面對英乙榜尾球隊盧頓，盧頓實力欠佳，會方財政狀況好差，作客難有作為，修安聯主勝穩陣。另外，[被屏蔽广告]英超阿士東維拉主場對富咸，無論實力同狀態都在對手之上，估計可順利贏波。
又到月尾時候，Peter與世無爭，玩擂台從來不求第一，但求可以同讀者分享心得。今季玩咁耐，Peter雖然未過冠軍，但亦未試過排包尾要停賽，要同一班高手名家較量，往後亦會繼續用平常心看待，唔會刻意爭冠軍，做好自己本分就得！
Tips
修安聯勝
阿士東維拉勝